Tatarstanyň baştutany Rustam Minnihanow dört aýakly dosty alabaýyň suratyny görkezdi
Tatarstanyň baştutany Rustam Minnihanow dört aýakly dosty - türkmen alabaýynyň suratyny görkezdi. Degişli neşir onuň Telegram kanalynda peýda boldy.
Sebitiň lideri: "Köpden bäri Akdusyň suratyny paýlaşmandym" – diýip ýazypdyr. Minnihanow gündelik işleriniň köp bolmagy sebäpli, itini seýrek gezdirmeli bolýandygyny boýun alýar.
Suratyň aşagynda berlen teswirlerde Tatarstanyň ýaşaýjylary alabaýyň diýseň owadan itdigini belleýärler. Käbir ulanyjylar bolsa eýesiniň işlidigine düşünýändigi Akdusyň garaýşynda görünýär, şonuň üçin ol biraz keýpsiz ýaly diýip, ýazýarlar.
Türkmen alabaýynyň akja güjüjegi 2021-nji ýylyň maý aýynda Minnihanowa şol wagt Türkmenistanyň Prezidenti, häzir Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow sowgat beripdi.
Tatarstanyň baştutany täze dostuna Akdus diýip at berdi, tatar dilinden terjime edilende ol "ak dost" diýmegi aňladýar.
ORIENT news
Photo: Rustam Minnikhanov's Telegram channel
