GDA-da saglygy goraýyşyň ýeke-täk sanly giňişligini döretmegi niýet edýärler
Munuň üçin gerekli bolan kanun taslamasy Moskwanyň Seçenow adyndaky Birinji döwlet lukmançylyk uniwersitetiniň alymlary tarapyndan işlenilip düzüldi we GDA-nyň durmuş syýasaty we adam hukuklary boýunça Parlamentara Assambleýasynyň Hemişelik komissiýasynyň mejlisinde hödürlendi.
Resminama Arkalaşygyň döwletleriniň saglygy goraýyş ugrundaky milli kanunçylygyny ýeke-täk görnüşe getirmäge kömek eder, şeýlelik bilen olaryň arasynda birleşen sanly giňişlik dörediler.
Umumy sanly ulgamda işlemek Arkalaşygyň döwletlerine biolukmançylyk maglumatlaryny toplamaga we saklamaga, öňdebaryjy ylmy barlaglary geçirmäge, şeýle hem saglyk işgärleriniň hünärini ýokarlandyrmaga mümkinçilik döreder -diýip, Seçenow adyndaky Uniwersitetiniň Sanly lukmançylyk institutynyň direktory Georgiý Lebedew belläp geçdi.
Bir nusgaly kanun oňa gatnaşýan döwletleriň saglygy goraýyş ulgamlaryny özara hereket etmegiň döwrebap kadalary bilen birleşdirer, ol kadalar hem içerki hem-de halkara derejelerde hereket eder. Ol elektron resminama dolanyşygy, telelukmançylyk we emeli intellektiň usullaryny ulanmak ýaly ugurlarda gatnaşyklary kadalaşdyrar.
ORIENT habarlar
Surat: vuzopedia.ru
