Türk howa ýollary Türkmenistanа amala aşyrýan gatnawlarynda PSR-testlerini ýatyrdy
Türk howa ýollary COVID-19 üçin PSR-testiň geçilendigi baradaky kepilnamany görkezmek talabyny Türkmenistanyň raýatlary üçin Aşgabatdan we Türkmenbaşydan ugraýan uçarlar üçin ýatyrdy – diýip, ORIENT-e awiakompaniýada habar berdiler.
Indi türkmenistanlylar diňe ýurda baranlarynda test tabşyrmalydyrlar. Şuňa meňzeş talaplary öň talaplary öň Belawia we S7 awiakompaniýalary hem aýyrdylar. Türkmen howa ýollary hem Russiýadan gelýän Türkmenistanyň raýatlaryndan PSR-testiň netijeleri bolan kepilnamany indi talap etmeýär.
Islendik awiakompaniýa bilen Türkmenistana ugraýan ähli daşary ýurt raýatlary üçin uçuşa 48 sagat galanda edilen PSR-testleriň netijelerini görkezýän kepilnama hökmanydyr.
Türk howa ýollary kompaniýasy hepdäniň çarşenbe we şenbe günleri Stambuldan Aşgabada we penşenbe we ýekşenbe günleri bolsa gaýdyşyn gatnawlaryny amala aşyrýar. Awiakompaniýa Stambul-Türkmenbaşy-Stambul aralygyndaky uçar gatnawlaryny her hepdaniň duşenbe we anna günleri ýerine ýetirýär.
ORIENT news
Surat: Bloomberg.com
