Türkmenistanda howa ýene-de sowar
Dekabryň başynda bolan çendenaşa sowuklardan soň Eýranyň çäginden aralaşan ýyly howa akymlary Türkmenistandaky howanyň maýlamagyna getirdi – diýip, meteojurnal.ru. portaly ýazýar.
Howanyň temperaturasy Aşgabatda +20 derejä çenli ýokarlandy, şol bir wagtyň özünde ýurdumyzyň demirgazyk sebitinde – Daşoguzda hem howa maýlady, häzir ol ýerde hem günüň ortaça ýylylygy nol derejeden ýokarda.
Hepdäniň anna güni paýtagtda hem-de tutuş ýurt boýunça Gazagystandan aralaşýan sowuk howa akymlary sebäpli howanyň ýene-de sowamagyna garaşylýar, munuň netijesinde howanyň temperaturasy Aşgabatda gündizlerine +15 derejä düşer, şenbe güni +10 - +12 dereje maýyl howa bolar, ýekşenbe güni bolsa — +7+10 dereje maýyl howa bolar.
Howanyň sowamagyna garamazdan, geljek günlerde ygalyň ýagmagyna garaşylmaýar.
ORIENT habarlar
Surat: unsplash.com
