Amerikan Geňeşleri GRE Programmasyna gatnaşmaga çagyrýar
ABŞ-da magistratura ýa-da doktorantura girmek isleýän Türkmenistanyň raýatlary üçin 2023-nji ýylyň baharyna GRE maksatnamasyna arzalaryň kabul edilmegi açyldy. Bu baradaky habar Amerikanyň Aşgabatdaky ilçihanasynyň saýtynda ýerleşdirildi.
GRE Program - Graduate Record Examination (gutardyş synagy) ABŞ-nyň okuw mekdeplerinde magistr derejesini almagaa taýýar bolan Türkmenistanyň raýatlary üçin 18 hepdelik taýýarlyk maksatnamasydyr. Okuw onlaýn we göni gatnaşmak arkaly usullary özünde jemleýän utgaşykly görnüşde geçiriler. Şoňa görä-de, gatnaşyjylaryň kompýuter, planşet ýa-da smartfon arkaly internete hemişe elýeterliligi bolmalydyr, çünki ýerine ýetirmeli işler elektron poçta boýunça ugradylar hem-de sosial torlaryň goşundylarynda ýerleşdiriler.
Okuw GRE maksatnamasynyň hemme ugurlary boýunça – seljerme beriş hat, werbal pikir ýöretme, möçber taýdan pikir ýöretme (Analytical Writing, Verbal Reasoning, Quantitative Reasoning), şeýle hem ABŞ-nyň okuw mekdeplerine magistratura arza bermek işine taýýarlanmaga kömek eder.
Mümkinçiligi bolan dalaşgärlere bildirilýän talaplar:
―Ýokary bilim bolmaly (bakalawr, 4 ýyl)
―Türkmenistanyň raýaty bolmaly we Türkmenistanda ýaşamaly
―Iňlis dilini biliş derejäň bildirlýän talaba laýyk gelmeli
― Maksatnamada we ABŞ-yň magistraturasynda üstünlik gazanmaga erjel bolmaly
―18 hepdelik taýýarlyk okuwyny üstünlikli geçmäge taýýar bolmaly
Zerur bolan resminamalryň sanawyny diňe elektron görnüşde bermeli:
―Gatnaşmak üçin doldurylan anketa
―Bahalar görkezilen tabel (bakalawriat/magistratura) we diplom
― Akademiki ýa-da hünär ugurly teklip edýän mazmunda iňlis dilinde ýazylan bir hat
―Rezýume
―Içerki pasportyň nusgasy
Isleg bildirýänler TOEFL, IELTS iňlis dilini bilişlerine testiň netijeleri baraada resmi hasabaty berip biler
Resminamalaryň ähli toplumyny (her resminamanyň adyny görkeziň) bir hata berkitmeli hem-de hökman öz adyňy görkezip, gre@americancouncilstm.org elektron poçtasyna ibermeli. Diňe resminamalarynyň doly toplumy bolan dalaşgärlere garalar.
Arzalary bermegiň möhleti: 2023-nji ýylyň 22-njii ýanwary, 17:30
Goşmaça maglumatlary şu telefondan +993 61 81 68 55 iş günleri – duşenbe gününden penşenbe güni aralygyna sagat 9:00-dan 16:00-a çenli ýa-da gre@americancouncilstm.org elektron poçta boýunça alyp bolar.
ORIENT news
