Türkmenistan, Azerbaýjan we Türkiýe awtoulagda ýük daşaýjylara wiza bermegiň gurallaryny alyp maslahatlaşdylar
Türkmenistan, Azerbaýjan we Türkiýe awtoulagda ýük daşaýjylarynyň işini kämilleşdirmek üçin wiza bermegiň gurallaryny ösdürmegi maksat edinýärler. Bu başlangyç üç ýurduň ulag edaralarynyňýolbaşçylarynyň Awazada döwlet baştutanlarynyň sammitiniň öňüsyrasynda geçirilen maslahatynda ara alnyp maslahatlaşyldy. Bu barada TDH agentligi habar berdi.
Ýurtlaryň arasynda awtomobil, deňiz we demir ýollary arkaly gatnawlaryny ösdürmek boýunça bilelikdäki çäreleri kabul etmäge hem-de bäsdeşlige ukyply nyrhlaryň çeýe ulgamyny we bitewi düzgünlerinidöretmegiň zerurdygyny bellediler.
Howa, awtomobil we demir ýol ulaglary arkaly iberilýän konteýner ýüklerini saklamak we birleşdirmek üçin birnäçe hyzmatlary ýerine ýetirip bilýän multimodal logistik parky döretmek mümkinçiligi hem ara alnyp maslahatlaşyldy.
Üç ýurduň ulag edaralarynyň ýolbaşçylary — Türkmenistanyň Ministrler Kabinetiniň ýanyndaky Ulag we aragatnaşyk agentligi, Türkiýäniň Ulag we infrastruktura ministrligi we Azerbaýjanyň Sanly ösüş we ulag ministrligi — bu ulgamda işgärleri taýýarlamagyň görnüşlerini işläp düzmek we özara tejribe alyşmak üçin dürli forumlary we maslahatlaşmalary geçirmegiň zerurdygyny beýan etdiler.
ORIENT news
Surat: lion-logistic.ru
