Türkmenistan Özbegistany gyşda 1,5 milliard kub metre çenli gaz bilen üpjün eder
– Özbegistana gyş möwsüminde ýurduň içerki zerurlyklaryny üpjün etmek üçin Türkmenistandan 1,5 milliard kub metr tebigy gaz goýberiler – diýip, Özbegistanyň Ministrler Kabinetiniň Ýangyç we energetika toplumynyň wekili sişenbe güni RIA Nowosti habarlar gullugyna habar berdi.
Geçen hepde Özbegistanyň hökümet ýolbaşçylary ýurtda howanyň sowap başlamagy bilen energiýa çeşmeleriniň ýetmezçiligi sebäpli gazyň, elektrik energiýasynyň, kömrüň we mazudyň importyny işjeňleşdirmek kararyna geldiler. "Uztransgaz" Paýdarlar jemgyýetiniň müdiriýetiniň başlygy Behzot Narmatow içerki sarp edişiň ýokarlanmagy sebäpli, Özbegistanyň gaz eksportyny bütinleý togtadanlygyny aýtdy.
"Türkmenistan gyşda Özbegistana 1,5 milliard kub metre çenli gaz iberer" – diýip agenligiň söhbetdeşi mälim etdi.
Ol gaz üpjünçiligi baradaky ylalaşyklaryň ýakynda, has takygy Özbegistanyň prezident administrasiýasynyň başlygy Sardor Umurzakow bilen Türkmenistanyň Prezidenti Serdar Berdimuhamedowyň arasynda Aşgabatda geçirilen gepleşikleriň netijesinde gazanylandygyny aýtdy.
Departamentiň wekili: "Bu üpjünçilik Özbegistanda gyş paslynda gaza bolan barha artýan islegi kagatlandyrmaga kömek eder" – diýip, sözüniň üstüni ýetridi.
Özbegistanyň Energetika ministrliginiň metbugat gullugy ozal içerki sarp edişiň ösmegi sebäpli respublikanyň Türkmenistandan alýan elektrik energiýasynyň möçberini bir gije-gündizde 17-18 million kWt-dan 20-21 million kWt çenli artdyrandygyny habar beripdi.
ORIENT news
