Lebap welaýatynda iri ýaşaýyş toplumy açylyp ulanmaga berildi
Türkmenabat halkara howa menziliniň golaýynda ähli zerur infrastrukturany öz içine alýan, dört gatdan ybarat bolan 40 sany ýaşaýyş jaýly täze ýaşaýyş jaý toplumy dabaraly ýagdaýda açylyp ulanmaga berildi. Bu barada «Neýtralnyý Türkmenistan» gazeti habar berýär.
Gurluşygy 2020-nji ýylda başlanan bu ýaşaýyş jaý toplumy Lebap welaýat häkimliginiň «Lebapgurluşyk» önümçilik birleşigi, Türkmenabat şäher häkimliginiň «Şähergurluşyk we hyzmat» döwlet kärhanasynyň, şeýle hem Türkmenistanyň Senagat we gurluşyk önümçiligi ministrliginiň «Demirbetonönümleri» we «Demirbetonkonstruksiýa» döwlet kärhanalary tarapyndan bina edildi.
Bu ýaşaýyş toplumynyň açylyş dabarasy Bitaraplyk gününiň bellenilmegine gabat geldi. Şol bir wagtyň özünde, ýurduň gündogar sebitinde Seýdiniň nebiti gaýtadan işleýän zawodlar toplumynyň işgärleri üçin Seýdi şäherinde hem ýaşaýyş jaýy gurlup ulanmaga berildi.
ORIENT news
Surat: turkmenmetbugat.gov.tm
