Türkmenistanda ABŞ-nyň ýokary okuw jaýlarynda okamak boýunça maslahat almak üçin ýüztutmalaryň kabul edişligi yglan edildi
ABŞ-nyň Türkmenistandaky ilçihanasy 9, 10 we 11-nji synp okuwçylaryny Amerikanyň kollejlerinde we uniwersitetlerinde okamak üçin zerur maglumatlary taýýarlamak we almak boýunça talyplara maslahat beriş maksatnamasyna (UCA) gatnaşmaga çagyrýar – diýip, programmanyň resmi saýty habar berýär.
Ýüztutmalary tabşyrmak 2023-nji ýylyň 5-nji ýanwaryna çenli dowam eder. Maksatnamanyň özi 2023-nji ýylyň 5-nji fewralynda başlanar we 2024-nji ýylyň 5-nji ýanwaryna çenli dowam eder. Ýüztutma ýörite onlaýn görnüşde arkaly tabşyrylyp bilner.
Maslahatlar onlaýn çeşmelerden peýdalanmak bilen ýüzbe-ýüz sessiýa görnüşinde geçiriler. Olar her ýekşenbe güni geçiriler. Bu maksatnama Aşgabat, Daşoguz, Mary we Türkmenabat şäherleriniň okuwçylary üçin açykdyr, oňa maslahat berjek adamyň hut özüniň gatnaşmagy hem ahmaldyr.
Duşuşyklar dürli maksatnamalar boýunça ABŞ-nyň bakalawr ulgamy barada has giňişleýin düşünje berer.
Has giňişleýin maglumat üçin aşakdaky e-poçta salgylaryna ýüz tutmagyňyzy haýyş edýäris: ashgabat@educatiusa.org, dashoguz@educationusa.org, mary@educationusa.org, turkmenabat@educationusa.org.
ORIENT news
Surat: Yandex
