Russiýanyň demir ýollary Türkmenistanyň serhedinden ýük daşamaklyga 20 göterim arzanladyş yglan etdi

Dekabr 05, 2022 | 22:36 |5516

Çeşme:

Russiýanyň «RŽD» holdingi Türkmenistanyň we Gazagystanyň serhedinde ýerleşýän Bolaşak-Serhetyaka serhet geçelgesinden amala aşyryljak eksport-import konteýner ýük daşamalary üçin 20 göterim arzanladyş yglan etdi – diýip, Russiýa Federasiýasyndaky Türkmenistanyň ilçihanasynyň saýty habar berýär.

Arzanladyş tutuş 2023-nji ýylyň dowamynda hereket edip, ol «Demirgazyk — Günorta» halkara ulag geçelgesiniň, şu halatda bolsa, Türkmenistanyň çäginden geçýän gündogar ugrunyň mümkinçiliklerini giňeltmäge gönükdirilendir.

Uzynlygy 900 kilometrden gowrak bolan ugruň gündogar şahasy yklymyň demirgazyk sebitlerine Pars aýlagynyň portlaryna we Günorta Aziýanyň bazarlaryna çykmaga ýardam edýär.

ORIENT news
Surat: medikforum.ru