Türkmenistanyň Prezidenti noýabrda sapar bilen BAE-ne barar
Noýabr 10, 2022 | 17:10 |9077
Türkmenistanyň Prezidenti Serdar Berdimuhamedow şu ýylyň noýabr aýynda Birleşen Arap Emirliklerine sapar bilen barar, bu barada BAE-niň Türkmenistandaky ilçihanasynyň Instagram sahypasynda habar berilýär.
BAE-niň Prezidenti Şeýh Mohammed Bin Zaýed Al Nahaýýanyň çakylygy boýunça türkmen lideriniň bu ýurda amala aşyrjak saparynyň guramaçylyk meseleleri Türkmenistanyň daşary işler ministriniň orunbasary Berdinyýaz Mätiýew bilen BAE-niň Türkmenistandaky ilçisi Ahmed Al-Haý Al-Hameliniň arasynda ara alyp maslahatlaşyldy.
Şeýle hem Türkmenistanyň Daşary işler ministrliginde geçirilen duşuşyga Türkmenistanyň Döwlet daşary ykdysady iş bankynyň dolandyryjy geňeşiniň başlygy Rahymberdi Jepbarow hem gatnaşdy.
ORIENT news
Surat: azstatus.ru
