AŞTU kärhanalara müşderileriň islegleriniň durmuşa geçirilmegi üçin jaňlary kabul ediş merkezlerini guramaga ýardam berýär
Aşgabat şäher telefon ulgamy guramalara, kiçi we orta kärhanalara ýüzlenmeleri gaýtadan işlemegi guramak we hödürlenýän hyzmatlar barada müşderilere habar bermek üçin «Jaňlary kabul ediş merkezi» atly hyzmatdan peýdalanmagy teklip edýär.
Kompaniýa hyzmaty işjeňleşdirýän bolsa, müşderilere jaň etmek üçin aragatnaşyk belgileri elmydama mugt bolar. Islendik amatly pursatda zerur maglumatlary alyp bilerler, bu bolsa olaryň kompaniýanyň ýa-da guramanyň brendine bolan wepalylygynyň has-da ýokarlanmagyna eltýär.
Şeýle hem, AŞTU tarapyndan hödürlenýän täze hyzmatlaryň arasynda telekeçilere öz maglumat binýatlaryny ýa-da web saýtlaryny ýerleşdirmek üçin uzakdaky serwerlerde ýadyň bir bölegini kärendesine almaga mümkinçilik berýän «Co-location» bar. Hyzmatlaryň ýene bir görnüşi şahsy serwerleri AŞTU-nyň tehniki jaýlaryna ýerleşdirmäge mümkinçilik berýär, şol ýerde olar 24 sagatlyk tehniki hyzmatyndan we üznüksiz elektrik üpjünçiliginden peýdalanyp bilerler.
Has giňişleýin maglumaty almak üçin AŞTU-nyňresmi web saýtyna girip bilersiňiz ýa-da 42-72-22 telefon belgisine jaň edip bilersiňiz.
ORIENT news
Surat: agts.tv
