Aşgabatda Koreýa medeniýeti günleri geçirilýär
9-njy noýabrda Türkmenistan bilen Koreýa Respublikasynyň arasynda diplomatik gatnaşyklaryň ýola goýulmagynyň 30 ýyllygyna bagyşlanan Koreýanyň medeniýet günleri başlanar.
Üç günüň dowamynda kinofestiwal geçirmek meýilleşdirilýär, onda «Samjin kompaniýasynyň iňlis diliniň sapaklary» atly filmi we Koreýada meşhurlyk gazanan «Bori» filmi görkeziler.
Filmler tölegsiz görnüşde «Aşgabat» kinoteatrynda görkezilýär:
9-njy noýabrda – «Samjin kompaniýasynyň iňlis diliniň okuw sapaklary» (17:00)
10-njy noýabrda – «Samjin kompaniýasynyň iňlis diliniň okuw sapaklary» (15:00); «Bori» (19:00)
11-nji noýabrda – «Bori» (15:00)
Şeýle hem 11-nji noýabrda sagat 18:00-da Magtymguly adyndaky milli sazly drama teatrynda koreý tagamlarynyň sergisi geçiriler. Mundan başga-da, sergini görmäge gelýänler milli koreý lybasy – «hanbok» egin-başyny geýip görüp bilerler. Sagat 19:00-da bolsa Gugak kwartetiniň we Türkmenistanyň Milli simfoniki orkestriniň ýerine ýetirmeginde koreý fýužn sazlarynyň konsertini geçirmek meýilleşdirilýär.
ORIENT news
Surat: unsplash.com
