Gurbanguly Berdimuhamedow pakistanly kärdeşi bilen telefon arkaly bilelikdäki taslamalary ara alyp maslahatlaşdy
Türkmen parlamentiniň ýokarky palatasynyň başlygy Gurbanguly Berdimuhamedow telefon söhbetdeşliginiň barşynda Pakistanyň Senatynyň başlygy Muhammet Sadyk Sanjrani bilen bilelikdäki taslamalary durmuşa geçirmegiň we netijeli parlamentara gatnaşyklaryň çäklerindäki ikitaraplaýyn hyzmatdaşlygyň meselelerini ara alyp maslahatlaşdylar. Bu barada TDH gullugy habar berýär.
Gürrüň Türkmenistan — Owganystan — Pakistan — Hindistan gaz geçirijisiniň gurluşygy, şeýle-de Türkmenistan — Owganystan — Pakistan ugry boýunça ýokary woltly elektrik geçiriji we optiki-süýümli aragatnaşyk ulgamlary ýaly energiýa we aragatnaşyk taslamalarynyň durmuşa geçirilmegi barada boldy.
Taraplar şeýle hem iki ýurduň kanun çykaryjy edaralarynyň arasyndaky hyzmatdaşlygy işjeňleşdirmek arkaly kanunçylyk ulgamynda tejribe alşylmagyna, parlamentarileriň yzygiderli duşuşyklarynyň, geňeşmeleriniň guralmagynyň uly ähmiýetini belläp geçdiler.
ORIENT news
Surat: dailytimes.com.pk
