Türkmen gümrügi deslapky maglumaty almak üçin TIR-EPD ulgamyna utgaşdyryldy
Türkmenistanyň döwlet gümrük gullugy Awtomobil ulaglarynyň halkara birleşmesiniň (IRU) «TIR-EPD» bitewi maglumat ulgamy «ASYCUDA World» utgaşdyrylan gümrük maglumat ulgamynyň «Üstaşyr» moduly bilen birikdirildi we utgaşdyryldy. Bu barada Gümrük gullugynyň resmi saýty habar berýär.
Bu elektron maglumat gümrük edaralaryna gümrük serhedinden geçirilýän harytlary we ulag serişdelerini töwekgelçiligi dolandyrmak ulgamyny ulanmaga, şol sanda harytlaryň bahalaryna, möçberlerine, görnüşlerine gözegçilik etmäge, netijede bolsa haryt dolanyşygyny çaltlandyrmaga we ýurduň ulag-üstaşyr mümkinçiliklerini ýokarlandyrmaga ýardam berýär. Bu ulgamyň ornaşdyrylmagy «Halkara ýol daşamalary (TIR) kitapçasyny ulanmak bilen, halkara ýollarynda ýükleri daşamak hakynda Gümrük Konwensiýasyna (1975)» laýyklykda durmuşa geçirilýär.
ORIENT news
Surat:
