Dizaýnerler Aşgabadyň ÝUNESKO-nyň döredijilik şäherleriniň Toruna goşulmagyny ara alyp maslahatlaşdylar
Ýurdumyzyň dizaýnerleri «Halkara dizaýnerleriniň Aşgabat dialogy» forumynyň çäklerinde daşary ýurtly kärdeşleri bilen ykdysady we jemgyýetçilik taslamalaryny ösdürmekde medeni hyzmatdaşlygy ara alyp maslahatlaşdylar. Bu forum Aşgabat şäher häkimliginiň, Türkmenistanyň Gurluşyk we binagärlik ministrliginiň, ÝUNESKO-nyň işleri barada Türkmenistanyň Milli toparynyň sekretariatynyň guramagynda Türkmenistanyň Söwda-senagat edarasynyň binasynda geçirildi – diýip, TDH gullugy habar berýär.
Foruma gatnaşyjylar Aşgabadyň landşaft binagärliginiň ösmegine goşan goşandyna ýokary baha berdiler we ak mermerli paýtagty ÝUNESKO-nyň döredijilik şäherleri toruna «Dizaýn» ugry boýunça goşmagyň ähmiýetini bellediler.
Bu çärä Kanadanyň, Türkiýäniň, Hytaýyň, Gazagystanyň, Gyrgyzystanyň, Özbegistanyň we Azerbaýjanyň ugurdaş düzümleri we ýokary okuw mekdepleri gatnaşdylar.
ORIENT news
Surat: redaksiýanyň arhiwinden
