Türkmenistan bilen Ýaponiýa ykdysady hyzmatdaşlyk komitetiniň gün tertibine garadylar
Sişenbe güni Türkmenistanyň Daşary işler ministri, Türkmen-ýapon ykdysady hyzmatdaşlyk komitetiniň başlygy Raşid Meredow komitetiň ýapon tarapdan başlygy, “Itochu” korporasiýasynyň dolandyryjy müdiri Hiroýuki Tsubaý bilen wideoaragatnaşyk arkaly gepleşikleri geçirdi.
– Duşuşygyň dowamynda taraplar ýokary derejedäki gatnaşyklaryň döwletara gatnaşyklaryň ösmeginde möhüm rol oýnaýandygyny bellediler – diýlip, Türkmenistanyň Daşary işler ministrliginiň internet saýtynda habar berilýär. Bu nukdaýnazardan, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň ýolbaşçylygyndaky türkmen delegasiýasynyň ýakynda Tokio amala aşyran saparynyň ähmiýeti bellendi.
Bu mowzugyň dowamy hökmünde Türkmenistan bilen Ýaponiýanyň arasynda söwda-ykdysady hyzmatdaşlygy giňeltmek üçin yglan edilen teklipler we taslamalar ara alnyp maslahatlaşyldy.
Kärdeşler innowasiýa ünsi jemläp, infrastrukturany ösdürmek ugrundaky hyzmatdaşlygyň ýol kartasyny täzelemegiň meselelerine garadylar we komitetiň geçirilmegi ýylyň ahyryna meýilleşdirilýän 14-nji mejlisine taýýarlyk meselesini ara alyp maslahatlaşdylar. Mejlisiň gün tertibi we netijelerinden soň gol çekmek üçin taýýarlanylýan resminamalar ara alnyp maslahatlaşyldy.
Ozal Türkmen-ýapon ykdysady hyzmatdaşlyk komitetiniň 14-nji mejlisiniň şu ýylyň ahyrynda Tokioda geçiriljekdigi habar berilipdi.
ORIENT news
Foto: jp-tr.org
