Türkmenistan sport babatda “Dostluk oýunlaryny” geçirmegi teklip edýär we oýunlary ilkinji bolup kabul etmäge taýýar
Prezident Serdar Berdimuhamedow GDA-nyň anna güni Astanada geçen sammitinde GDA-nyň Bedenterbiýe we sport baradaky Geňeşiniň howandarlygynda halkara sport oýunlaryny geçirmek boýunça utgaşdyryjy komiteti -- “Dostluk oýunlaryny” döretmegi teklip etdi.
Türkmen Lideriniň pikirine görä, “Dostluk oýunlaryna” diňe GDA döwletleriniň däl, eýsem beýleki ýurtlaryň türgenleriniň hem gatnaşyp bilmekleri üçin ol açyk bolmalydyr. Bu ýaryşlar möwsümleýin – tomusky we gyşky bolup biler, olary ýaşlaryň we ýetginjekleriň oýunlary hökmünde, sportuň aýry-aýry görnüşleri boýunça we beýleki görnüşlerde gurap bolar.
Bu teklibi öňe sürmek bilen Türkmenistan utgaşdyryjy komitetiň düzgünnamasynyň giňişleýin taslamasyny taýýarlady hem-de başlangyjyň goldanyljakdygyna umyt edýär, şeýle hem iri halkara ýaryşlaryny geçirmegiň oňat tejribesine we häzirki zaman düzümlerine eýe bolan ýurt hökmünde özünde ilkinji “Dostluk oýunlaryny” kabul etmäge taýýar diýip, Serdar Berdimuhamedow aýtdy.
ORIENT news
