GDA sammiti: suw howpsuzlygyny üpjün etmek boýunça umumy çemeleşmeleri işläp düzmek
– Kasym-Jomart Tokaýew anna güni Astana şäherinde GDA-nyň düzümine girýän ýurtlaryň döwlet baştutanlarynyň Geňeşiniň ýapyk mejlisinde serhetüsti suw baýlyklaryny tygşytly we özara bähbitli ulanmak barada anyk teklipleri bermegi öňe sürdi – diýip, Gazagystan Respublikasynyň Prezidentiniň metbugat gullugy habar berýär.
Arkalaşygyň ähli ýurtlarynda diýen ýaly howanyň üýtgemegi sebäpli, suw bilen üpjünçilik barha kynlaşýar. Bu meseläniň ähli ýurtlar üçin ähmiýetlidigi we GDA giňişliginde suw howpsuzlygy meselesine umumy çemeleşmeleri işläp düzmegiň wagty gelendigi bellenildi.
Gazagystanyň Prezidenti: – “Biz bu meseläni dürli halkara formatlaryň çäginde çözýäris, ikitaraplaýyn esasda özara kabul ederlikli çözgütleri gözleýäris we suw howpsuzlygyny üpjün etmek üçin umumy çemeleşmeleri işläp taýýarlaýarys. GDA-nyň Ýerine ýetiriji komitetine serhetüsti suw baýlyklaryndan tygşytly we özara bähbitli peýdalanmak barada anyk teklipleri bermegi teklip edýärin " - diýdi.
ORIENT news
Foto: akorda.kz
