Merkezi Aziýanyň "bäşligi" ekstremizmiň öňüni almak üçin milli hereket ediş meýilnamalaryny hödürledi
Almatyda geçirilen forumda Merkezi Aziýanyň bäş döwletiniň wekiliýetleri BMG we beýleki halkara düzümler bilen özara gatnaşyk etmek bilen, zorlukly ekstremizm we halkara terrorçylyk ýaly parahatçylyga we howpsuzlyga abanýan howplara garşy göreşmek üçin milli hereket ediş meýilnamalaryny hödürlediler. Bu barada «Нейтральный Туркменистан» gazetinde habar berilýär.
Forumda terrorçylyga garşy göreş ugruna we düzümleýin pudagara esasda hereket etmek üçin zerur bolan edaralary döretmeklige hem-de Türkmenistanyň Merkezi Aziýada BMG-nyň Terrorçylyga garşy göreş gullugynyň Maksatnama edarasyny döretmek baradaky teklibini bahalandyrmaklyga aýratyn üns berdiler.
Şu nukdaýnazardan Türkmenistanyň kanunçylyk binýady, esasanam, «Terrorçylyga garşy göreş hakda» kanuny nygtalyp geçildi.
Almaty forumy wekiliýetleriň gatnaşmagynda we ýokary wezipeli işgärleriň wideoaragatnaşyk ulgamynda gibrid formatda goşulyşmagy görnüşinde geçirildi.
ORIENT news
Surat: inbusiness.kz
