Aşgabatda geçirilýän Ready4Trade okuwynda daşary ykdysady işiniň ukyp-başarnyklary özleşdirilýär
Türkmen zenan telekeçileri «Ready4Trade Merkezi Aziýa» taslamasynyň çäklerinde sişenbe güni Aşgabatda başlanan «Daşary ykdysady işjeňlik üçin ukyplary we başarnyklary kemala getirmek» atly üç günlük okuwlara gatnaşýarlar.
Taslamanyň çäklerinde geçirilýän seminar-okuwy Halkara söwda merkezi we milli hyzmatdaşlar bilen bilelikde Ýewropa Birleşigi tarapyndan maliýeleşdirilýär. Bu barada EB-niň Türkmenistandaky wekilhanasynyň Instagram sahypasynda habar berilýär.
Okuwyň maksadyna aşakdakylar girýär:
–gümrük kanunçylygy pudagyndaky bilimleri ulgamlaşdyrmak,
– daşary söwda şertnamalarynyň aýratynlyklaryny öwrenmek,
– serhetden geçilendäki düzgünler, hukuklar we borçlar bilen tanyşmak,
– zenanlaryň hukuklaryny goramak boýunça kanunçylyk çäreleri hakynda bilimleri almak we beýl.
Oktýabr aýynda şunuň ýaly okuw Türkmenistanyň beýleki şäherlerinde - Türkmenabatda we Türkmenbaşyda hem geçiriler.
ORIENT news
Surat: instagram.com / @eu4turkmenistan
