Ermenistanyň Türkmenistandaky ilçisi ýurtlaryň arasynda howa gatnawynyň täzeden dikeldilmeginiň möhümdigini belledi
Ermenistan Respublikasynyň Türkmenistandaky ilçisi Ruben Harazýan Ýerewan bilen Aşgabadyň arasynda göni uçar gatnawlarynyň täzeden dikeldilmeginiň möhümdigini belläp, iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli ýazan makalasynda döwletleriň ikitaraplaýyn hyzmatdaşlygynyň geljegini beýan etdi. Makala «Нейтральный Туркменистан» gazetiniň sahypalarynda çap edildi.
Ilçi pandemiýa bilen baglanyşykly söwda we ykdysady gatnaşyklaryň pese gaçandygyny nygtap, şol döwrüň eýýäm geçendigini we taraplaryň ykdysady hyzmatdaşlygy, şol sanda täze ugurlarboýunça giňeltmek isleýändigini belledi.
Harazýanyň sözlerine görä, şu ýylyň ýedi aýynda ýurtlaryň arasyndaky söwda dolanyşygy 10,1 million ABŞ-nyň dollaryna barabar boldy. Aşgabatda we Ýerewanda Söwda öýlerini açmak we pandemiýa sebäpli ozal soňa goýlan Ermenistanda Türkmenistanyň Medeniýet günlerini geçirmek meýilleşdirilýär.
ORIENT news
Surat: e-cis.info
