Türkmenistanyň Prezidenti ýurdumyzyň lukmanlaryny olaryň hünär baýramynda döwlet sylaglary bilen sylaglady
Hormatly Prezidentimiz Serdar Berdimuhamedow gol çeken permany bilen saglyk ulgamynyň tapawutlanan wekillerini Türkmenistanyň saglygy goraýyş we derman senagaty işgärleriniň güni mynasybetli döwlet sylaglary bilen sylaglady.
Ýurdumyzyň baýlygyny – adamlaryň saglygyny berkitmekde, netijeli öňüni alyş, kesel anyklaýyş we bejeriş usullaryny işe ornaşdyrmakda gazanan üstünlikleri, çeken asylly zähmeti we ýokary hünär ussatlygy üçin lukman işgärlerniň ýigrimisi sylaglara -- “Gaýrat” hem-de “Watana bolan söýgüsi üçin” diýen medallara mynasyp boldular. Olaryň hatarynda alymlar we mugallymlar, çaga lukmanlary, şepagat uýalary, terapewtler, hirurglar, reanimatologlar hem-de beýleki hünärmenler bar.
Şeýle hem “Türkmenistanyň halk lukmany” we “Türkmenistanyň at gazanan saglygy goraýyş işgäri” diýen hormatly atlar dakyldy.
ORIENT news
