ÝUNISEF Türkmenistanda uny baýlaşdyrmaga goldaw berýär
ÝUNISEF-iň uny peýdaly mikroelementler bilen baýlaşdyrmak maksatnamasynyň çäklerinde we ýurduň hökümeti tarapyndan satyn alnyp, Türkmenistana getirilýän goşundylaryň üçünji we soňky tapgyry ýylyň ahyryna çenli gelmeli. Bu barada ÝUNISEF-iň Türkmenistandaky edarasynyň saýtynda habar berilýär.
ÝUNISEF-iň Türkmenistandaky wekiliniň orunbasary Aleksandr Nerteanyň sözlerine görä, uny mikroelementler bilen baýlaşdyrmak strategiýasy demir we foliý turşusynyň ýetmezçiligini doldurmaga kömek eder we netijede Türkmenistanyň ilatynyň, esasan hem, zenanlaryň we çagalaryň saglygynyň berkidilmegine ýardam eder.
ÝUNISEF-iň maksatnamasynyň çäklerinde we Durnukly ösüş maksatlaryna ýetmek üçin Türkmenistan her ýyl uny mikroelementler we witaminler bilen baýlaşdyrmak üçin takmynan 120 tonna goşundy satyn alýar. Bu gurama ýurduň Oba hojalyk we daşky gurşawy goramak ministrligi we aýry-aýry un önümçiligi kärhanalary bilen hyzmatdaşlykda Türkmenistanda öz maksatnamalaryny işjeň öňe ilerledýär.
ORIENT news
