Prezident Serdar Berdimuhamedow sanly ulgam arkaly awtomenzilleriň açylyş dabarasyna gatnaşdy
Şenbe güni Prezident Serdar Berdimuhamedow sanly ulgam arkaly Türkmenistanyň welaýatlarynyň dördüsiniň dolandyryş merkezlerinde awtobus menzilleriniň açylyş dabarasyna gatnaşdy.
Täze ýolagçy awtomenzilleri Balkanabatda, Daşoguzda, Türkmenabatda we Maryda gezekli gezegine açyldy.
Döwlet Baştutanymyz baýramçylyk dabaralarynyň geçişine teleköpri arkaly syn etdi. Türkmen Lideri dabara gatnaşyjylaryň öňünde eden çykyşynda täze awtomenzilleriň ulanylmaga berilmeginiň Türkmenistanyň awtomobil pudagynyň ösüşinde, ilat üçin ulag hyzmatynyň gowulandyrylmagynda möhüm wakadygyny belledi.
Prezident soňky ýyllarda ulag pudagynda gazanylan esasy üstünlikleri sanap geçdi, hatarynda Aşgabat-Türkmenabat awtobanynyň gurluşygy bolan häzirki wagtdaky iri taslamalary atlandyrdy, gatnawlar we söwda ýük dolanyşygyny artdyrmak babatda halkara gatnaşyklarynyň geljegine ýokary baha berdi.
Täze awtoulag menzilleriniň toplumlary tipiki tehniki ölçeglere eýedir. Olaryň her biriniň meýdany 30 müň inedördül metre barabardyr, geçirijilik ukyby 700 ýolagça deňdir. Ýolagçy terminalynda 140 orunlyk garaşylýan zaldan başga-da, dükanlar, kafeteriler, dermanhanalar, lukmançylyk bölümleri, çagalar üçin oýnalýan ýerler we beýlekiler bar. Ýerli kassalardan awtobusa münmek üçin bolşy ýaly, uçarlara we otly üçin hem petek satyn almak bolýar. Ýük terminaly-da göz öňünde tutuldy.
Hormatly Prezidentimiziň adyndan sebitlere täze awtobuslar we taksiler berildi.
ORIENT news
