Serdar Berdimuhamedow ýokarlandyrmagy we ösdürmegi milli ykdysadyýetiň möhüm ugurlary hökmünde kesgitledi
Anna güni Aşgabatda Türkmenistanyň Garaşsyzlygynyň 31 ýyllygyna hem-de ýurdumyzyň geçen ýollarynyň netijelerini jemlemäge, täze maksatlary we wezipeleri kesgitlemäge bagyşlanylan Döwlet maslahatynyň dabaraly mejlisi geçirildi.
Mejlise ýolbaşçy düzümler, hökümetiň kanun çykaryjy edaralarynyň, jemgyýetçiik birleşmeleriniň hem-de ýaşlar bilen birlikde, ilatyň ähli gatlaklarynyň wekilleri gatnaşdylar. Ýurdumyzyň welaýatlarynyň merkezleri paýtagta wideoaragatnaşyk arkaly goşuldylar.
Prezident Serdar Berdimuhamedow Döwlet Maslahatynda eden çykyşynda Türkmenistanda durmuşa geçirilýän strategik maksatnamalaryň we pudaklaýyn meýilnamalaryň ýurdumyzyň dünýädäki abraýyny artdyrýandygyny hem-de onuň ykdysady ýörelgelerini öňe ilerledýändigini aýtdy. Bu ähli üstünlikler türkmen halkynyň ýaşaýyş-durmuşynyň hilini we derejesini ýokarlandyrmaga hyzmat edýär.
Döwlet Baştutanymyz Türkmenistanyň garaşsyz ösüş we bitaraplyk, ykdysadyýetimiziň milli nusgasyny durmuşa geçirmek ýörelgesini dowam etjekdigini, goňşy ýurtlar, sebitiň we dünýäniň beýleki döwletleri bilen mundan beýläk-de dost-doganlyk gatnaşyklaryny gurjakdygyny beýan etdi.
Ýurdumyzyň ykdysady we syýasy strategiýalary ýokary derejäni gazanmaga we ösüşe gönükdiriendir diýip, türkmen Lideri aýtdy. Prezident Türkmenistanyň uzak möhletleýin durmuş-ykdysady maksatnamalarynda býujetiň 75-80 göteriminiň saglygy goraýyş, medeniýet, ýaşaýyş jaýlarynyň gurluşygy, şäher gurluşygy, aýlyk zähmet haklarynyň, pensiýalaryň, talyp haklarynyň hem-de kömek pullarynyň köpeldilmegi, ilatyň pes gatlaklaryny goldamak, täze iş orunlaryny döretmek ýaly ugurlara gönükdirilmeginiň esas edilendigini ýatlatdy.
ORIENT news
