Türkmenistanyň we Russiýanyň Prezidentleri YHG-niň sammitinde ikitaraplaýyn gepleşik geçirerler
Türkmenistanyň Prezidenti Serdar Berdimuhamedow Şanhaý hyzmatdaşlyk guramasynyň sammitiniň (ŞHG) çäklerinde Russiýanyň baştutany bilen duşuşar diýip, rus lideriniň halkara işleri boýunça kömekçisi Ýuriý Uşakowyň sözlerine salgylanyp, RIA Nowosti habar berýär.
YHG-niň sammiti Özbegistanyň Samarkand şäherinde 15-16-njy sentýabrda geçiriler. Çärede türkmen Lideriniň hormatly myhman hökmünde gatnaşmagyna garaşylýar.
Şeýle hem öňde boljak sammitde ŞHG-ne agza ýurtlaryň – Hindistanyň, Gazagystanyň, Hytaýyň, Gyrgyzystanyň, Pakistanyň, Russiýanyň, Täjigistanyň we Özbegistanyň liderleri hem-de synçy döwletleriň – Belarusuň, Eýranyň we Mongoliýanyň baştutanlary gatnaşarlar.
Çärede Türkmenistanyň Baştutany bilen bir hatarda, Ermenistanyň, Azerbaýjanyň we Türkiýäniň liderleri hormatly myhman bolarlar.
ORIENT news
Foto: kremlin.ru
