TDHÇMB-niň söwdalary: STG we nah ýüplükleri uly islegden peýdalandy
Şenbe güni, 10-njy sentýabrda Türkmenistanyň Döwlet haryt-çig mal biržasynyň söwdalarynda umumy bahasy $351,8 müň we 11,7 million manat bolan 4 geleşik baglaşyldy diýip, ORIENT-iň habarçysy habar berýär.
Owganystanyň wekili $155,9 müň jemi 220 tonna suwuklandyrylan gazy satyn aldy. STG-niň bahasy ozalky söwdalardaky bilen deňeşdirilende, 0,3% arzanlady we bir tonnasynyň bahasy $527 deň boldy.
Azerbaýjanyň işewüri $235,9 müň jemi 71,5 müň kg nah ýüplük bilen üpjün etmek üçin geleşik baglaşdy. BAE-den gelen işewür topar bu önümlerden 11,7 million manada 269,5 müň kg satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: freepik.com
