TDHÇMB-niň söwdalary: eksporta göni işlenilen benzin we dizel ýangyjy ýerlenildi
Penşenbe güni, 8-nji sentýabrda Türkmenistanyň Döwlet haryt-çig mal biržasynyň söwdalarynda nebit önümlerini eksport etmäge umumy bahasy $7,8 million bolan geleşikler baglaşyldy diýip, ORIENT-iň habarçysy habar berýär.
Türkiýäniň işewüri umymy bahasy $190,4 müň bolan göni işlenilen benziniň 325 tonnasyny satyn aldy. Harydyň bahasy ozalky söwdalardaky bilen deňeşdirilende 1,7% pese düşüp, bir tonnasynyň bahasy $586 deň boldy.
Owganystanyň işewür toparlarynyň wekili bahasy $7,6 million bolan gidro usulda arassalanan dizel ýangyjynyň 7,6 müň tonnasyny almaga geleşik baglaşdy. Nebit önüminiň bahasy ozalky baglaşylan şertnamalar bilen deňeşdirilende, 1% artyp, bir tonnasynyň bahasy $1 008,25 barabar boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
Foto: novoeizdanie.com
