Serdar Berdimuhamedow we Türki döwletleriň guramasynyň baş sekretary gepleşikleriň geljegine baha berdiler
Türkmenistanyň Prezidenti Serdar Berdimuhamedow duşenbe güni Türki döwletleriň guramasynyň baş sekretary Bagdat Amreýewi kabul etdi, söhbetdeşligiň dowamynda myhman özi tarapyndan ýolbaşçylyk edilýän guramanyň Türkmenistan bilen öndürijilikli gepleşikleri ösdürmäge bolan gyzyklanmasyny tassyklady.
Prezident geçen ýylyň noýabr aýynda Türkmenistanyň synçy hökmünde goşulan TDG bilen özara gatnaşyklaryň netijelidigini aýtdy.
Geljekki hyzmatdaşlygyň ugurlary barada söhbetdeşler söwda-ykdysady, ýangyç-energetika, ulag-aragatnaşyk, infrastruktura we maýa goýum pudaklaryndaky geljegi uly taslamalary belläp geçdiler.
Esasy umumy ruhy gymmatlyklardan we maddy medeniýet mirasyndan düzülen ähli türki dilli halklar üçin möhüm ähmiýete eýe bolan gumanitar hyzmatdaşlyk meseleleri hem ünsden düşürilmedi.
Duşuşykda 2022-nji ýylyň noýabr aýynda geçirilmegi meýilleşdirilýän TDG-nyň sammitinde ara alnyp maslahatlaşyljak möhüm meselelere aýratyn üns berildi.
Duşuşygyň ahyrynda Prezident Serdar Berdimuhamedow we Türki döwletleriň guramasynyň baş sekretary Bagdat Amreýew taraplaryň öndürijilikli özara gatnaşyklaryna ynam bildirdiler.
ORIENT news
