BMG-nyň Baş sekretary – Ulag aragatnaşygy ýurtlarymyzyň geljegi üçin iňňän möhümdir
Ulag aragatnaşygy biziň ýurtlarymyzyň geljegi üçin, hususan-da, söwdanyň bahasyny peseltmek we dünýä bazarlaryna çykmagy gowulandyrmak, ykdysadyýetleriň we adamlaryň birleşmegine ýardam etmek, şeýle hem DÖM-na ýetmek üçin möhümdir.
Bu barada BMG-nyň Baş sekretary António Guterriş “Aşgabat prosesi: arabaglanyşygy pugtalandyrmak üçin maliýeleşdirmek” atly minisrtler derejesindäki maslahata gatnaşyjylara ýüzlenip aýtdy.
– Dürli sebäplere görä, häzirki wagtda deňze çykalgasy bolmadyk ýurtlaryň ulag aragatnaşygyny gowulandyrmak üçin uly päsgelçilikler bar – diýip Guterriş aýtdy. Serhet geçelge nokatlarynyň köp bolmagy, çylşyrymly ulag we serhet amallary, şeýle-de pandemiýa sebäpli girizilen çäklendirmeler çykdajylaryň we bökdençlikleriň ýüze çykmagyna sebäp boldy.
– Ulagy öňki ösüş ýoluna getirmek üçin biz bilelikde işlemeli, – diýip BMG-nyň Baş sekretary aýtdy. – Deňze çykalgasy bolmadyk ýurtlar üçin bu zerurlygy çäreleri we olara edilen çykdajylaryň netijeliligini beýan edýän “ýol kartasy” arkaly çözüp bolar.
Guterriş Awazada geçirilen maslahata gatnaşýan ýurtlary öňde goýlan maksatlara ýetmek üçin innowasiýalary we tehnologiýalary ulanmaga, şeýle hem deňze çykalgasy bolmadyk ýurtlary durnukly ulag we arabaglanyşyklylyk bilen üpjün etmek üçin tagallalary birleşdirmäge çagyrdy.
ORIENT news
