TDHÇMB-niň söwdalary: karbamid, dizel ýangyjy we göni işlenen benzin islegden peýdalanýar
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $46,5 million we 14,9 million manat bolan 35 geleşik baglaşyldy diýip, ORIENT-iň habarçysy habar berýär.
Duşenbe güni “B” görnüşli karbamidiň 150 müň tonnasyny Singapura ibermäge iri şertnama baglaşyldy, bu önümiň bir tonnasynyň bahasy $283 deň boldy. Geleşigiň umumy bahasy $42,4 million barabar boldy.
Gidro usulda arassalanan dizel ýangyja-da isleg bildirildi. Daşary ýurtly telekeçiler ony 3 müň tonna möçberinde satyn aldylar. Geleşikleriň umumy bahasy $3,4 million deň boldy. Nebit önüminiň bahasy ozalky söwdalardaky bilen deňeşdirilende, 2,7% pese düşüp, bir tonnasynyň bahasy $1 143 deň boldy.
Şeýle hem göni işlenen benzin eksporta ýerlenildi. Ýangyjyň bu görnüşiniň 800 tonnasy jemi $558,8 müň satyn alynyldy. Nebit önüminiň bahasy ozalky söwdalardaky bilen deňedşdirilende, 4,4% artdy we bir tonnasynyň bahasy $698,50 barbar boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
