Serdar Berdimuhamedow Aşgabadyň täze prokuroryny belledi
Türkmenistanyň Prezidenti Serdar Berdimuhamedow ýustisiýanyň geňeşçisi Öwezmämmet Şyhmämmedowy türkmen paýtagtynyň Bagtyýarlyk etrabynyň prokurory wezipesinden boşadyp, ony Aşgabat şäheriniň prokurory wezipesine belledi.
Prokuratura edaralarynda wezipelere täze bellemeler baradaky habarlar türkmen döwlet teleradioýaýlymlarynda “Watan” habarlar gepleşiginiň agşamky goýberilişiniň barşynda beýan edildi.
Birinji derejeli ýurist Serdar Yzamow Aşgabat şäheriniň prokurorynyň orunbasary wezipesine bellenildi. Ýustisiýanyň kiçi geňeşçisi Batyr Annamuhammedow ygtyýarlyk möhletiniň dolmagy sebäpli, bu wezipeden boşadyldy.
Ikinji derejeli ýurist Muhammetmyrat Annaberdiýew Türkmenistanyň Mary welaýatynyň Ýolöten etrabynyň prokurory wezipesine bellenildi. Ýustisiýanyň kiçi geňeşçisi Döwran Mätjanow ygtyýarlyk möhletiniň dolmagy sebäpli, bu wezipeden boşadyldy.
Şeýle hem ygtyýarlyk möhletiniň dolmagy sebäpli, Daşoguz welaýatynyň Akdepe etrabynyň hem-de Mary welaýatynyň Serhetabat etrabynyň prokurorlary wezipelerinden boşadyldy.
ORIENT news
