Russiýa Federasiýasynyň Türkmenistandaky ilçihanasy talyp wizalaryny resmileşdirip başlaýandygy barada habar berdi
1-nji awgustdan Russiýanyň Türkmenistandaky ilçihanasy Russiýanyň ÝOM-niň dalaşgärlerine we talyplaryna talyp wizasyny resmileşdirmek üçin resminamalary kabul edip başlar. Bu barada RF-nyň diplomatik wekilligi öz resmi Telegram kanalynda habar berdi.
Habarda kabul edişligiň iş günleri nobat tertibinde duşenbeden anna günleri aralykda sagat 9.30-dan 13.00-a çenli geçiriljekdigi bellenilýär.
Dalaşgärler aşakdaky resminamalary öz ýany bilen getirmeli:
– Russiýanyň IIM-nden okuw wizasyny almak üçin çakylyk;
– Doldurylan suratly anketa;
– Türkmenistanyň raýatlyk pasportynyň we daşary ýurt pasportynyň göçürmesi we asyl nusgasy (halkara pasportyň möhleti çakylykda görkezilen wizanyň möhletiniň gutarýan senesinden 18 aýdan az bolmadyk möhletli);
– Rus diline terjime edilen WIÇ infeksiýasynyň ýoklugy barada kepilnama (kepilnamanyň möhleti 3 aý).
Ilçihana wizanyň ýedi iş gününiň dowamynda mugt resmileşdirilýändigini habar berýär. Gyssagly wiza üç iş gününiň dowamynda resmileşdirilýär, bahasy – 160 dollar. Töleg diňe nagt görnüşinde kabul edilýär.
ORIENT news
