Türkmenistanda temmäki önümlerine goýulýan aksiziň bahasy 100%-e ýakynlady
Türkmenistanyň çäklerine getirilýän temmäki önümlerine goýulýan aksiziň bahasy 19% ýokarlanyp, gümrük bahasynyň 93%-ne ýakynlady, ýöne bir gabynyň bahasy $4-den pes däl.
Türkmenistanyň Salgyt Kodeksine girizilen degişli üýtgetme şu gün resmi türkmen metbugatynda çap edildi.
Senagat taýdan öndürilen beýleki temmäki we temmäkiniň senagat çalşyryjylary $3,9 artyp, 1 kg.-niň bahasy $19,5 deň boldy.
Maglumat: aksiz ikinji derejeli salgyt bolup, onuň sarp edilişini düzgünleşdirmek üçin girizilýär. Aksizleriň bahasynyň ýokarlandyrylmagy nyrhlaryň artmagyna we islegiň peselmegine, bahanyň peselmegi bolsa, arzanlamaga we islegiň ýokarlanmagyna getirýär.
Türkmenistanda temmäki we alkogolly önümleriniň aksizleriniň bahasy yzygiderli ýokarlandyrylýar. Ýurtda fewral aýynda 2025-nji ýyla çenli Türkmenistany temmäkiden azat ýurda öwürmek boýunça milli maksatnama kabul edildi.
ORIENT news
