Russiýanyň Baş prokurory Türkmenistanda boldy
Russiýanyň Baş prokurory Igor Krasnow iş sapary bilen Türkmenistanda bolup, saparynyň dowamynda türkmen kärdeşleri bilen howpsuzlyk meselelerine garady diýip, MIR-24 habar berýär.
Russiýanyň Baş prokurory Türkmenistanyň goranmak ministri, Döwlet howpsuzlyk geňeşiniň sekretary Begenç Gündogdyýew bilen hyzmatdaşlygy has-da ösdürmegiň geljegini ara alyp maslahatlaşdy.
Krasnow Türkmenistanyň baş prokurory Serdar Mälikgulyýew bilen iki ýurduň harby we hukuk goraýjy edaralarynyň işgärleriniň hünär derejelerini ýokarlandymak hem-de Hazar deňzini goramak baradaky meselelere garady.
Şeýle hem Krasnow “Halk hakydasy” ýadygärlikler toplumyna baryp görüp, Beýik watançylyk urşy ýyllarynda wepat bolanlary we 1948-nji ýylyň Aşgabat ýer titremesiniň şehitlerini hatyralady.
ORIENT news
