Türkmenistanyň Prezidenti Draupadi Murmany Hindistanyň Prezidenti wezipesine saýlanmagy bilen gutlady
Türkmenistanyň Prezidenti Serdar Berdimuhamedow Draupadi Murmany Hindistanyň Prezidenti wezipesine saýlanmagy bilen gutlady.
Bu waka sebäpli iberilen gutlag hatynda Türkmenistanyň lideri "Türkmenistan bilen Hindistan Respublikasynyň arasynda ýola goýlan we däp bolan dostlukly we özara peýdaly gatnaşyklary" belläp, ikitaraplaýyn hyzmatdaşlygyň mundan beýläk-de ösdüriljekdigine ynam bildirdi.
Türkmen lideri Draupadi Murma saglyk, bagt we Hindistanyň gülläp ösmegine gönükdirilen işlerde üstünlik arzuw etdi.
21-nji iýulda Milli Demokratik Bileleşiginiň dalaşgäri 64 ýaşly Draupadi Murma Hindistanyň 15-nji prezidenti bolup saýlandy. Ol parlamentde ses bermegiň netişesinde sesleriň 64%-den gowragyny aldy.
Draupadi Murma Hindistanyň syýasy elitasyna sosial basgançagyň iň aşakysyndan girdi. Onuň asly ýurduň demirgazyk-gündogaryndaky Odisha ştatynyň çetki etrabyndan bolup, esasan oba hojalygy bilen meşgullanýan kiçiräk halk bolan santallardan gelip çykýar. Murma aýallar kollejinde bilim almak başartdy, şondan soň ol mugallym bolup işledi.
Onuň sýasy karýerasy 1990-njy ýyllaryň ahyrynda Odisanyň Suwaryş we Energetika bölüminde kiçiräk wezipeden başlandy. Eýýäm 2000-nji ýylda Murma ştatyň energetika ministri wezipesine bellendi. 2015-nji ýylda ol goňşy ştatyň häkimi boldy we 2021-nji ýyla çenli şol wezipede işledi.
ORIENT news
