Merkezi Aziýa döwletleriniň baştutanlary resminamalaryň birnäçesine gol çekdiler
Türkmenistanyň, Gyrgyzystanyň, Özbegistanyň, Gazagystanyň we Täjigistanyň Prezidentleri Çolpon-Ata şäherinde geçirilen maslahat duşuşygynyň netijesinde resminamalaryň birnäçesine gol çekdiler. Bu barada ýerli KHBS-niň galamgärlerine Gyrgyz Respublikasynyň Daşary işler ministri Jeenbek Kulubaýew gürrüň berdi.
Resminamalaryň arasynda Gyrgyzystanyň, Gazagystanyň we Özbegistanyň liderleri tarapyndan gol çekilen Dostluk, goňşuçylyk we hyzmatdaşlyk barada şertnama bar. Bu resminama soňra, içerki proseduralar gutarandan soň, Türkmenistanyň we Täjigistanyň döwlet baştutanlary tarapyndan gol çekiler.
Gol çekilen beýleki resminamalaryň arasynda:
– Bilelikdäki jarnama,
– Halkara platformalarda özara gatnaşyk barada konsepsiýa,
– Merkezi Aziýa üçin "Ýaşyl gün tertibi" sebit maksatnamasy,
– 2022-2024-nji ýyllar üçin sebit hyzmatdaşlygyny ösdürmegiň ýol kartasy bar.
ORIENT news
