MA ýurtlarynyň Prezidentleri sebit teleýaýlymyny döretmegi we söwdada päsgelçilikleri aýyrmagy maslahatlaşdylar
Merkezi Aziýa ýurtlarynyň Baştutanlary Çolpon-Ata şäherinde geçýän konsultatiw duşuşykda dürli ugurlarda gatnaşyklary pugtalandyrmaga gönükdirilen birnäçe başlangyçlary ara alyp maslahatlaşdylar diýip, gyrgyz KHBS ýazýarlar.
Sebitde ilkinji umumy teleýaýlymy hem-de teletaslamalarynyň tapgyrlaryny döretmek başlangyjy beýan edildi, şolar sebitiň kuwwaty, şeýle hem Merkezi Aziýanyň halklarynyň taryhy we medeniýetleriniň özboluşlylygy barada gürrüň berler.
Şeýle hem teleýaýlym maglumat giňişliginde ýaramaz ýagdaýlaryň ýüze çykmagyny öňünden duýdurmakda ýurtlaryň özara hereketlerini güýçlendirip biler diýip, Gazagystanyň Baştutany Kasym-Žomart Tokaýew belledi.
Gyrgyzystanyň Prezidenti Sadyr Žaparow Merkezi Aziýa ýurtlarynyň arasynda erkin söwda etmäge päsgelçilik berýän bökdençlikleri aradan aýyrmak babatda pikirini aýtdy. Ol MA-da erkin söwda edilmegini, maý goýumlaryny hem-de ulag-üstaşyr düzümleriniň ösdürilmegini sebiti galkyndyrmaga itergi berjek ýagdaýlardygyny nygtady.
Şeýle hem bilelikdäki ýörite syýahatçylyk ugurlaryny guramak, syýahatçylar tarapyndan umumy serhetlerden geçilmeginde biraz ýeňillik girizmek, bilelikdäki syýahatçylyk sergilerini geçirmek hem-de beýlekiler barada teklipler beýan edildi.
ORIENT news
