Serdar Berdimuhamedow ylym, bilim, saglygy goraýyş we sport boýunça wise-premýeri täzeledi
Iýul 09, 2022 | 06:23 |16606
Serdar Berdimuhamedow ylym, bilim, saglygy goraýyş we sport boýunça wise-premýeri täzeledi. Sapardurdy Toýlyýewiň ýerine häzire çenli saglygy goraýyş we derman senagaty ministri bolup işlän Nurmuhammet Amannepesow geldi.
Döwlet Baştutany hökümet düzüminde işgärleri wezipelere bellemek baradaky resminamalara geçen ýarym ýylyň netijelerine bagyşlanyp geçirilen Ministrler Kabinetiniň mejlisnde gol çekdi. Bu barada anna güni agşam türkmen teleradioýaýlymlarynyň täzelikleriniň goýberilişinde habar berildi.
Saglygy goraýyş we derman senagaty ministri wezipesine ozal bu edaranyň ýolbaşçysynyň orunbasary bolup işlän Atageldi Germanow bellenildi.
ORIENT news
