Merkezi Aziýa ýurtlarynyň Liderleri 21-nji iýulda duşuşarlar
Merkezi Aziýaýanyň bäş ýurdunyň Liderleriniň konsultatiw duşuşygy 21-nji ýulda Gyrgyzystanda, Çolpon-ata şäherinde, Yssyk-kölüniň kenarynda geçiriler diýip, Täjigistan Sputnik habar berýär.
MA döwletleriniň – Gazagystanyň, Gyrgyzystanyň, Täjigistanyň, Türkmenistanyň we Özbegistanyň Baştutanlarynyň sammiti indi dördünji gezek geçiriler. Üçünji konsultatiw duşuşyk 2021-nji ýylyň awgustynda Türkmenistanda, Hazar deňziniň kenarynda, Awazada geçirilipdi.
Şonda döwlet Baştutanlary daşary syýasat edaralaryna sebit hyzmatdaşlygyny 2022-2024-nji ýyllarda ösdürmek boýunça Ýol kartasynyň taslamasyny ylalaşmak baradaky işleri tamamlamagy tabşyrdylar.
Şeýle hem indiki konsultatiw duşuşykda sebiti ösdürmek maksady bilen, Dostluk, hoşniýetli goňşuçylyk we hyzmatdaşlyk hakynda Şertnamany gol çekmäge taýýarlamak tabşyryldy, çünki, MA ýurtlarynyň milli Liderleriniň belleýişleri ýaly, häzir iň esasy maksat – munuň özi sebitde dostluk, hyzmatdaşlyk hem-de durnuklylykdyr.
MA döwletleriniň Baştutanlarynyň ilkinji sammiti 2018-nji ýylyň mart aýynda Gazagystanyň paýtagty Nur-Sultan şäherinde, ikinjisi – 2019-njy ýylyň noýabrynda – Daşkentde geçirildi.
ORIENT news
