Türkmenistan BSG-niň doly hukukly agzasy bolmagy maksat edinýär
Türkmenistan Bütindünýä söwda guramasy bilen yzygiderli gatnaşygyny dowam eder hem-de ýurduň ahyrky maksady BSG-niň doly hukukly agzasy bolmakdan ybaratdyr diýip, Türkmenistanyň daşary işler ministriniň orunbasary Wepa Hajyýew aýtdy.
Sişenbe güni taraplar DIM-de BSG-niň baş direktorynyň orunbasary Çžan Sýançeniň ýolbaşçylygyndaky wekiliýetiniň hem-de Türkmenistanyň BSG-ä girmegi bilen baglanyşykly meseleleri öwrenmek boýunça hökümet toparynyň agzalarynyň gatnaşmagynda geçirilen “tegelek stoluň” barşynda özara hereket etmegiň meselelerini ara alyp maslahatlaşdylar.
Ozal Türkmenistan BSG-ä “goşulýan ýurduň” derejesine eýe boldy. Bu ýagdaý öz-özünden ýurduň daşary söwdada eýeleýän ornuny pugtalandyrmaga, daşary ýurt maýa goýumlaryny çekmäge we Bütindünýä söwda guramasy bilen hyzmatdaşlygy giňeltmäge ýardam etdi diýip, duşuşyga gatnaşyjylar bellediler.
Ozal ORIENT BSG-ä girmegiň nähili mümkinçilikleri berjekdigi barada şu salgy boýunça giňişleýin ýazypdy.
ORIENT news
