Türkiýe-Türkmenistan-Azerbaýjan üçtaraplaýyn sammiti yglan edildi
Türkiýäniň wise-prezidenti Fuat Oktaý Türkiýe-Türkmenistan-Azerbaýjan üçtaraplaýyn sammitini geçirmegiň meýilleşdirilýändigini beýan etdi.
– Türkiýäniň Prezidenti Rejep Taýyp Ärdoganyň türkmen lideri Serdar Berdimuhamedowy Türkiýä çagyrandygyny bellemek bilen, Oktaý sapardan soň Türkiýe-Türkmenistan-Azerbaýjan üçtaraplaýyn sammitiniň geçiriljekdigini aýtdy – diýip, TRT Haber türk teleýaýlymy habar berýär.
Fuat Oktaý şu hepdäniň dowamynda Aşgabatda saparda boldy we Prezident Serdar Berdimuhamedowa Türkiýäniň Prezidenti Rejep Taýyp Ärdoganyň gutlag hatyny, şeýle hem Türkiýe Respublikasyna sapar bilen gelmäge iberen çakylygyny gowşurdy.
Oktaýyň saparynyň çäklerinde Ykdysady hyzmatdaşlyk hökümetara türkmen-türk toparynyň 6-njy mejlisi we türkmen-türk işewürler forumy geçirildi.
ORIENT news
