Hazarýaka ýurtlarynyň Işewür hyzmatdaşlyk geňeşini döretmek barada teklip hödürlendi
– Halkara işewürlik, maliýe institutlary Hazar sebitine üns we gyzyklanma bilen garaýarlar, onuň mümkinçiliklerine we geo-ykdysady gymmatyna düşünýärler – diýip, Türkmenistanyň Prezidenti Serdar Berdimuhamedow çarşenbe güni Aşgabatda Hazarýaka döwletleriniň ýolbaşçylaryny ýygnan VI Hazar sammitinde belläp geçdi.
Türkmen lideriniň pikiriçe, telekeçilik üçin oňat şertler döretmek, ony köne päsgelçiliklerden azat etmek, hem-de Hazara çynlakaý we uzakmöhletli maýa goýumlaryny çekmek üçin ähli mümkinçilikler bar. Hazar deňziniň ulag ähmiýeti barada aýdanda, döwlet baştutany ony Beýik Ýüpek ýolunyň galkynyşynyň aýrylmaz bölegine öwürmek üçin ägirt uly we hakyky maksat goýup boljakdygyny aýtdy.
Şeýle hem, Serdar Berdimuhamedow ägirt uly tebigy baýlyklara, senagat we tehnologiki mümkinçiliklere eýe bolan Hazarýaka ýurtlarynyň senagat hyzmatdaşlygy meselesine ünsi çekdi. Olaryň birleşmegi, hyzmatdaşlygyň önümçilik liniýalaryny, integrasiýa geçelgelerini döretmek - hyzmatdaşlygyň gaýragoýulmasyz temasy. Hususy telekeçilik bu meselede möhüm orny eýeleýär. Şunuň bilen baglylykda, işine hiç bir döwlet goşulmasyzdan, ýagny özbaşdak platforma hökmünde, Hazarýaka ýurtlarynyň Işewür hyzmatdaşlyk geňeşini döretmek teklibi hödürlendi.
ORIENT news
