Raşid Meredow bilen Sergeý Lawrow ikitaraplaýyn duşuşyk geçirdiler
Türkmenistanyň Daşary işler ministrliginde Türkmenistanyň we Russiýanyň ministrleriniň ikitaraplaýyn duşuşygy geçirildi. Raşid Meredow we Sergeý Lawrow hazarýaka döwletleriň DIM-leriniň ýolbaşçylarynyň ýygnagyndan öň gepleşikleri geçirdiler.
RF-nyň DIM-niň resmi wekili Mariýa Zaharowanyň ozal belläp geçişi ýaly, Daşary işler ministrleriniň Aşgabatdaky duşuşygynda Hazar deňzindäki hyzmatdaşlygy gözden geçirmek we hazarýaka “bäşliginiň” prezidentleriniň ýakyn wagtda geçiriljek duşuşygyna taýýarlyk görmek üçin mundan beýläkki özara gatnaşyklaryň usullaryny ara alyp maslahatlaşmak meýilleşdirilýär.
Türkmenistan, Azerbaýjan, Eýran, Gazagystan we Russiýa döwletleriniň baştutanlary, esasan, Hazar sebitindäki howpsuzlyk, ykdysady gatnaşyklaryň, şol sanda ulag, söwda, energiýa, maliýe pudagyndaky hyzmatdaşlygyň hemmetaraplaýyn ösdürilmegi ýaly meseleler boýunça pikir alyşarlar. Şeýle hem, Hazardaky hyzmatdaşlygyň ekologiki tarapyna üns berler.
ORIENT news
