AŞTU-nyň hyzmatlaryny terminallar arkaly özbaşdak dolandyryň
Şäheriçi telefonyň hasabyny barlamak, şäherara we/ýa-da halkara jaňlary hyzmatyny açmak ýa-da ýapmak, jaňlary geçirmek, giriş jaňlary anyklamak – indi bu amallary özbaşdak ýerine ýetirmek mümkin.
Ýakynda “Aşgabat şäher telefon ulgamy”açyk görnüşli paýdarlar jemgyýetiniň merkezi edarasynda aragatnaşyk operatorynyň müşderilerine AŞTU-nyň hyzmatlarynyň giň toplumyny özbaşdak onlaýn dolandyrmaga mümkinçilik berýän terminallar oturdyldy.
Sensor ekranly enjamyň kömegi bilen öz şahsy otagyňa girip, IP telewideniýe birikdirmek, Belet-Film onlaýn-kinoteatryny, interneti açmak, nyrhnama meýilnamasyny saýlamak ýa-da çalyşmak, bir hasapdan başga bir hasaba pul geçirmek we beýleki hyzmatlary amala aşyryp bolýar. Ähli gerekli amallar ýerine ýetirilenden soň, kassa baryp, peýdalanylan hyzmatyň tölegini geçiräýmek galýar. Örän amatly, dogrumy?
Jikme-jik maglumatlar bilen “Türkmenaragatnaşyk”agentliginiň saýtynda tanyşyp bilersiňiz.
ORIENT news
