Eýranyň Beýik ruhy Lideri Türkmenistan bilen hyzmatdaşlygy giňeltmegiň tarapdary bolup çykyş etdi
– Türkmenistanyň Prezidenti Serdar Berdimuhamedow bilen duşuşykda Eýranyň Beýik ruhy Lideri Aýatolla Ali Hamenei Türkmenistan bilen hyzmatdaşlygy giňeltmegiň tarapdary bolup çykyş etdi – diýip, Mehr habarlar agentligi habar berýär.
Ol gatnaşyklary çuňlaşdyrmaga iki ýurduň hem gyzyklanma bildirýändigini, Ykdysady hyzmatdaşlyk boýunça bilelikdäki türkmen-eýran toparynyň bolsa halklaryň arasyndaky özara gatnaşyklary ösdürmegiň üstünde işjeň işlemelidigini belläp geçdi.
Türkmen lideri goňşy döwletler bilen hyzmatdaşlygyň Aşgabat üçin ileri tutulýandygyny aýtdy. Muňa Türkmenistanyň Eýran bilen tebigy gaz, elektrik üpjünçiligi pudagynda, ulag hyzmatdaşlygyny ösdürmek we iri taslamalary durmuşa geçirmek ýaly ugurlarda hyzmatdaşlygy giňeltmäge bolan isleglerini görkezýän şu günki gol çekilen ikitaraplaýyn resminamalar hem şaýatlyk edýär.
ORIENT news
