Putin Türkmenistany “Russiýanyň strategiki hyzmatdaşy” diýip atlandyrdy
– Moskwada Türkmenistanyň we Russiýanyň Prezidentleri – Serdar Berdimuhamedow bilen Wladimir Putiniň gepleşikleri başlandy – diýlip, Kremliň saýtynda habar berilýär.
Russiýa Federasiýasynyň lideri Türkmenistanyň baştutanyny garşylap, soňky ýyllarda ýurtlaryň arasyndaky gatnaşyklaryň öňe gidendigini we häzirki wagtda bu gatnaşyklaryň resmi taýdan däl-de, hakykatdan-da, strategiki häsiýete eýedigini aýtdy.
– Ilkinji döwlet daşary ýurt saparyny biziň ýurdumyza amala aşyrmagyňyz bizi diýseň begendirýär – diýip, Putin aýtdy. – Bu biziň gatnaşyklarymyzyň aýratyn ähmiýetini ýene bir ýola tassyklaýar.
Şeýle-de, Russiýanyň Prezidenti 2022-nji ýylyň birinji çärýeginde ýurtlaryň arasyndaky haryt dolanyşygynyň 40%-den gowrak ösmegini öňe sary hereketiň bat almagy diýip atlandyrdy.
ORIENT news
