Kazandan Aşgabada howa arkaly gatnawlary 19-njy iýundan täzeden goýbermek meýilleşdirilýär
Iýun 09, 2022 | 22:30 |17115
Aşgabat-Kazan ugry boýunça howa arkaly yzygiderli gatnawlary 19-njy iýundan täzeden goýbermek meýilleşdirilýär. Munuň şeýledigine Kazan şäheriniň Halkara howa menziliniň saýtynda ýerleşdirilen gatnawlaryň tertibi şaýatlyk edýär.
“Türkmenistan” awiakompaniýasynyň gatnawlary hepdede bir gezek – her ýekşenbede ýerine ýetiriler. 22-nji iýuldan howa arkaly gatnawlaryň ýygylygy hepdede iki gezege çenli artdyrylmalydyr we olar her ýekşenbe hem-de anna günleri amala aşyrylar.
Kazan bilen Aşgabadyň arasynda howa arkaly yzygiderli göni gatnawlary ozal 1-nji iýuldan gaýtadan goýbermek meýilleşdirilýärdi. Häzir Türkmenistan bilen Russiýanyň arasynda howa arkaly gatnawlar Aşgabat-Kazan-Türkmenabat ugry boýunça ýola goýuldy.
ORIENT news
