Türkmenistanyň we Russiýanyň Prezidentleri 10-njy iýunda duşuşarlar
– Türkmenistanyň Prezidenti Serdar Berdimuhamedow Russiýa Federasiýasynyň döwlet baştutany Wladimir Putin bilen 10-njy iýunda Moskwada duşuşar – diýlip, Kremliň saýtynda habar berilýär.
Türkmen lideri Moskwa Russiýa Federasiýasynyň Prezidentiniň çakylygy boýunça geler we bu sapar Serdar Berdimuhamedowyň döwlet baştutany wezipesinde ilkinji resmi daşary ýurt sapary bolar – diýip, habarda bellenilýär.
Gepleşiklerde syýasy, söwda-ykdysady we ynsanperwer ugurlar boýunça geljekki ikitaraplaýyn hyzmatdaşlygyň meseleleriniň tutuş toplumy, şeýle-de sebitleýin we halkara derejedäki derwaýys meseleleri ara alyp maslahatlaşmak meýilleşdirilýär.
Saparyň dowamynda Türkmenistan bilen Russiýa Federasiýasynyň arasyndaky strategiki hyzmatdaşlygy çuňlaşdyrmak baradaky Jarnama gol çekiler.
ORIENT news
